T'is zundag nuchtn, Zesse zoender wekker vroeger wakker dan de zunne T'is nie dak m'n eigen gin vulle nachtrust gunne K'gon nog vier kis droain ma tukn wil nimi lukn T'ed gin zin van te zuchten.. Je moe lachen! Zet je lip derin.. Snap je? T'is woordspel op 'zet je, rik derin'.. K'en die droge humor nodig om deur de dag te komen Kleur me dag met woorden Zoek je kracht en legt dor je focus! Klap gie wel goed Vlams e voer één die pas van de boot is! K'zien opengebloeid lik e lotus tussen zukke vooroordelen Tegen dat die beat gedaan is zittek levenslang voe moord te plegen K'horen vele rappers dat e grote bek opzetten Mo ze durven under skills nie in battles testen K'pakken zukke poesjes zoender andschoes K'zien Van Veen ip e mank been En tis gie die an de kant moet T'soort mc die je favoriete beats van kant doet Ofdawe nu jammen in e park of tjooln langst de stoep K'en e flow da losjes deur elke dam in't land vloed K'spugen tsoort water daje mentale vlam voedt We zien an't zinken, dorom dat iedereen brand roept Kiekt oe dat uut m'n anden loopt, K'zien machteloos, teleurgesteld Der wordt elke dag over terreur verteld En no de beurs gesneld der is gin dichter die Euro's telt Duusd generaties oender de zunne geven't kleur ame vel K'moesten sms'n want je deur had gin bel Verkeerde nummer opgeslaan, k'halen namen deur mekaar Baggage rakt langzaamaan te zwaar Ondertussen ister gin bot da nie dagelijks krakt Mo de moed is noois toe ime schoes gezakt Ginget efkes no beneden bleef et asan in m'n erte steken En k'weten't, k'leven met karma van een ert te breken T'is oendertussen d'n elft vame leven geleden, K'moen ook verder zeker? Zien'k tan e moenster ak mezelf vergeven? Biekan tienduusd dagen ip deze planete, Vuuf belangriek, de rest zien'k vergeten K'wiln vreugde recreeren, oneindig bliede zien E brede glimlach die alleen nog liefde bied Wast ma zo simpel, K'zie m'n impulsen nog lang nie kwiet T'voel nog assan triest ak je lach nie krieg Ze zei je bent te netjes opgevoed omdan'k de wereld anders zie Me ma leerde me dankjewel en alsjeblieft En aje't zelf nie wilt doet ton nor een ander nie E neen eje al in je'n anden en e ja da ku je soms nog kriegen Aje nietn goed go zegn zoe je beter zwiegen Gin leugens om bestwil ken eerlijk liever De waaried komt ut strot van e lachende zot Of de moend van droenkoars en kienders At moet kuje alles, T'is kiezen tussen dat of je wereld verliezen Elk moment appreciëren is wat daj leerd ut ziekte Vo daje klapt van een ander kiekt eerst no de spiegel In de mensen erken je jezelven Wa goje doen voer under aje nog jen eigen nie kud elpen Heel de wereld krakt lik e schelpe Iedereen voelt em geïsoleerd En aje ze tevele liefde geeft Tan worden mensen snel bang Ze zien under zelven nie geren Dus snappen nie oe daje't gie wel kan T'is simpel aje twien mist, belt tan En at voe joen e klene moeite is, elpt tan Durft hulpe vragen aje twa nie zelf kan We zien ier allemalle vo bie te leren T'zien der vele die gon spreken Lik ofdazet beter weten Beter negeer je de deze, Pakt e voorbeeld an zieder die voorbeeldig leven En met e passie die kennis delen Verzet je tegen de gedachten dat de mens verdelen We moen t'hope kom en das me grootste zorg Want kweten dak te vaak vijandig overkom Lik vien je me flow nie dope ton zie je doof en stom M'n erte gieng van een open bron nor e dooie zon T'is t'leven dat us allemaal overkomt We weten beter mo wiln nie, dorom dat de kool verkopt De verandering bliekt stil te zien Mo der is e vloedgolf op komst En op die dag vlieg gans je wereld op ze kop We zien der verre, t'kom just nog een aap te kort Der is werk in de keuken, K'trekken de recepten ut me ma eur schort Wast j'n anden voorn daj ame tafel komt Mo voel je welkom aje mage gromt Eten kuwe assan delen al ister soms mor e mager bord Verlies j'n ogen nie in e paard ze strot Grote dromen worden ier tegen slaap verkocht En elke ki datter e storm op m'n afkomt is me ma me rots Dus hopelijk makek vandage me ma nog trots K'noemet MoederTaal omdat al me wijsheid deur de navel komt

Siebrand- der is werk an de winkel nie vo krinkel twee gezichtn die at nie rinkelt an de kassa rappe were zwichtn noch voor verderlichte klapkes over platforms en unity wan atr ton twa van komt maddafakkas doen et nie kbedoel niet de hippies die voor boomknuffelars goe kunn zagen of alle mann in de mazen van het internet gevangenin gamerfasen kzie et hele dagen we worden afgeleid en at ons spijt stelln we de verkeerde vragen verzuurd lik magen dagen de nachten op kalenders volgeladen stapelt verwachting op die mann die klappn van support ma daj toch noois ort die mann die twuk gingen laten wetn ma duidelijk wetn van gin fok de fundamentn warop dak bouwden an min leven blekn nu ma mensen da me moeite bovn water bleven ke van m'n goden haat gekregen ze waren dan ook verzopen keb ze't na te geven zet u bie checktde taferelen Den Dzjiesus - de aarde beeft wanneer komt de genadesteek? maanden, weken zitten aan te slepen tegenslagen,alles gaat weer tegendraads maar ik maak ne steen begraaf mijn been ter plaatse in de grond Et komt mij uit de keel Maar ik heel soms, van den asem uit uwe mond Infinite Joy- K'en afstand moen nemen van de deze dak t'meeste nor opkeken Dieme hulp beloofde daze an under eigen nog nie kostn geven Met die woorden dak ier schrieven willek jen oprecht vergeven Hoop doe leven mo va hoop kuwe nie eten dus moewet voorzichtiger verdelen deur valse hoop bluft de teleurstelling deur je humeur slepen tis gedaan me volgen borst trots kop in de wolken bewandel het pad vame moreel kompas en lach, lacht totdat de wereld lacht ik dacht dattet nie eerlijk was en k'peizen't nog assan ak wensen vo mama eur beterschap we moen aal spelen met d'n and dat leven gaf en aje gin viengers ed ziej a blieje datter e teen an angt dankbaarheid dat is gin wetenschap tis de ladder omhoog aje nieme na beneden kan k'vieje pas stoer aje ku meten an eur tegenslag en nog assan lacht met de kracht van e nieuwe dag Den Dzjiesus - de aarde beeft wanneer komt de genadesteek? maanden, weken zitten aan te slepen tegenslagen,alles gaat weer tegendraads maar ik maak ne steen begraaf mijn been ter plaatse in de grond Et komt mij uit de keel Maar ik heel soms, van den asem uit uwe mond Primeur- Schietk uit me kramn, Omdat leven meer lik e foor is? Alles komt were dus ik wachtn totdat bevroren is Nietn is voor eeuwig, lik mislukn aj weer thoge mikt at tlatste blad van de roos brikt, daj alleen nog met de doornen zit De wereld was e schone vrouw, en wiender de stoornis. omdaw dr in geloven, dat ier nog al nie verloren is. Is da positiviteit , of een ego da van boven zit? Dat alles diepr duwt dat al jaarn twoasn ip de bodem ligt. Verloren geloopn lik de droomn van een Koerdisch kind. Lik de zeune, van de pa, die zen eigen bloed e loser vind. De dochter die te vroeg vrouwe is gewordn, omdaze lik moeder drinkt. Eur eigen fysiek verminkt tegen tkopzeer da nooit verdwient. Mo der is nog hoop, kweetn geweun nie echt woadajt moe vindn. Ak kline woarn wildek groot wordn,nu zoek gern kind zien. De focus legn ip wa daj nie et, ga niet goed bringn. Aj verbitterd met de dag gaat d’overwinning nooit zoete zien

Ze zegn je moe leren jezelven geren zien Wa doejet zelve nie, gotter niemand je weerde vien Ken da gedoan voer e joar of zeven Nu zegn z'aal tis beter gesneden tis enfeite dezesten gebleven Mensen, zuk ippervlakkige wezes Beter awe't soort ogen gekregen Dan intenties were geven Ank moen e reden geven Is't omdak woudn roend de planete zweven Of zwerven, etwoar in e bome me name kerven Ogen trekken in e wereld wo datr mensen in bootjes sterven Ken ip m'n eerste bezoek an china allene ma fabrieken gezien in India wast meer armoede dan mystiek De verdeeldheid en et eten makt me ziek Peuter met in ze maag e parasiet Enfeite moestek ier nu zest niemi zien Soms begint me dag met een iprechte merci Meestal ist meer van, fuck da nie opnieuw Mo wien zienkik en wie zie gie Verzameling sterrestof dat ip e dag weer vervaagd go zien Overdenkende hersens dan de slaap nie viendn Poseidon die de wereld in haat verdrienkt Omdattiet ut zien perspectief als liefde ziet Mo kzien de liefde kwiet en benauwd vaneur te vien Ken e talent vo woorden en t'stukmaken va schone diengn En moestek kunn zoek vier akkoorden zieng dat betoverd klienkt Mo kzie gin Merlijn, ken gin invloed over de zunneschijn En wiene datter ku regeren over us verdeeld koninkrijk Mien schoes worden ook vuul ak tjooln deurt slijk Of moek zeggen sliek, tis nie plat da klienkt nie sjiek Ma dat is ik en wie zie gie, tis na mie voet dame schoe riekt of nie? Zet ekir e stap of tien en lot me weten ofdat ie niept Tis e variatie op bruce banner ze misanthropie, kzien assan blie omdak assan triest zien En ak de juste bote vien nemek je mee no de poorten van atlantis Ton kuwe zien wo dat ut de hand liep Voorn dat aal't land zienkt E wereld die in z'n eigen hebzucht verdrienkt Omdat'nt water nie ziet dat em alles en meer bied Leeggevist, zwart goed derin ingepist, elke plastic bottel lik e pil ingeslikt residu da bluft ang'n in de mage van patient moeder aarde mensen zien erger of de zwarte plage we peizen dawe de wereld beter maken Omdan uze schepen nu beter varen beest wordet in noorden warm lik d'evenare Beter zoewet gif ut de lever halen, mo wie goed wilt doen meug rekenen ip tegenslagen Tis goed lik e profete kerek en gevek j'n ook deze kake Kwiln m'n excuseren voer aal da kwaad dank dragen kzien soms verdwaald, verstrooid, na de hel up boane, goeie intenties zien de klienkers van die stroate Ik wouden ook allene mo m'n omgeving beter maken En de standaard omhoge alen van wuk dame doen met de tale ier in de vlaanders Bewust over d'impressies dawe nalaten ip komende generatjes Ke geleerd je meug noois rekenen ip 'n ander Kzien Steve Buscemi in Las Vegas, e zieke ziel met de wereld izen anden

sommige dagen is de wereld va mien Andere dagen willek stoppen va zien...x4 Bestaan, m'n ogen die opengaan Mo de zun is zo fel te warm voer in j'n and Ip sterrejacht verbrand gerakt an al dak vastepak Bliede zien is loslaten, e reden vo te leven, da moeje an god vragen t'z'n d'r die beweren dazem en oren spreken In mien geval zien't van die verloren gebeden Postbode were tevele in de flesse gekeken T'komt'r ip nere ke noois antwoord gekregen Of mischien wildek nie lusteren, Mischien moettie stoppen va flusteren Of Mischien moekik eerst wiln inzien Daje t'meeste licht viend in't duster tis nie omdawe weten dat etwa niet juste is Dat uze daden da ook dragen in vulle overtuging zwevend in de lucht tussen kennis en wijsheid We leven ip die brug elk moment dat'd tijd slijt Soms voelt de goeie richting an lik de verkeerden K'waren d'r nog noois zo zeker van dak ier alleen zien En Iedereen ed recht ip e mening Mor ik klapn nie mi mee ak nie goed geinformeerd zien De wereld ku zo wreed zien Was liefde meester Oorde je nu ze zoveelste verdwaalde leerling Ze zei zoek na nummer zeven en gaf me ne teerling Sjanse doetter nie toe aje onbestaande dingen zoekt Volgend hoofdstuk klap et boek toe Tis tied voer e nieuwe kaft, stip gevoen ip de wereldmap Mischien kerek noois were, en gevek me leven an e beter man 1 ding is zeker en das dak nog vele leren kan De beste lesgever is tegenslag Je moe zorgen voe jezelven Me pezen zien der zeker van K'wiln were kun bewegen mo de zere komt ut me kelegat En de dokteurs met under duur speelgoed Snappen der gin meter van Soms voelek men e pyromaan lik da nero was Doet de kippedans de nacht dat de wereld brand Of wisselt vier wielen voe't vélopad Niemand of gie ed de toekomst ijen andn, Of toch e kleen deel dervan Wuk goje doen dermee? Smietjet weg tussen tienduusd breedbeeld teevee's Dat de wereld noois mi verteerd Of elp je mee? Deur elke dag jezelve te betrappen Ip gewentes dat de planete fucken En je voor te nemen van dat an te passen Toe daje in goed geweten na de spegel ku lachen Kzien e hypocriet met elke letter dank schrieven Mor ak nie meugen peizen an revolutie levek liever nie En aje gie bliede zied zienkik blie voe gie, Da zien de fundamenten mo ze snappent nie Lik e tasjesdief die de bank nie ziet En zegt ik rippen van madammen want ze zien stienkend riek Voe fuftig euro, twi tampongs en e labello stick, c'est la vie We zien aal producten van uze omgeving Wuk oetter joen tegen van deruut te bewegen K'geven toe kzien benauwd want alleen is mor allene Mo moestek morgen alles vergeten Woar'k ook mo geweun e zeun van de wereld En ip e dag gon de wurms me verteren, Tis mor 1 kanse dak en voe't beste vame zelven te creëeren Voer al dak misdoan en, alsjeblieft, vergeef me, T'enigste dak wiln is bliede zien en da kun delen

Lies Jo- Ik kwam hier vandaag om mezelf te vinden of achter te laten, in de constellatie die mensen vormenmet hun verdriet en de stad die voor ze zichzelf kent weer een ander is waar gevels gezichten met beugels, we alles recht willen zetten KoenDa- Het is moeilijk verlangens te sussen Wilde bloemen zijn nie gemaakt om te plukken Je kan ze kweken of klonen ma da ga nie lukken Flamingos in een kooi in de zoo zijn nooit gelukkig.. Iedereen wil vrij zijn zonder bagage Ma we zitten vast aan onze Levenservaring Dus leer'k het dragen verteer'k tegenslagen Laat het varen en waardeer'k meer de simpele dagen Tis oke te aanvaarden da je depri zit Tga mij nie om de verlichting maar om evenwicht Links of rechts die stap is al lang gezet Ik leer vertrouwen op de kracht van m'n amulet Vergeef mezelf dak naif en zo dom was K'leer navigeren op m'n innerlijke kompas Dus kom ik op plaatsen te pas en te onpas De cocon composteert pas als de vlinder ontsnapt Lies Jo- Vroeger stond ik op je schoenen en wandelde je zo heel de kamer met me rond om minder sporen na te laten, en onze energie te sparen. We hadden het over hoe we de dingen zouden bezoeken met mijn ogen en jouw voeten. Infinite Joy- Vurige voenken vluchten van wrijvende vijzen Vergrijs de feiten en droai ze zot Alles dat dank lief en da latek los nu dwalen der spoken hopeloos roend m'n hoofd Omdat de zwaartekracht vame waangedacht ze toet rotatie bracht K'verdwaaln in de kraan van e traan die de taal niet sprak K'zag de ziel dat ande basis lag Van alles wat da schoon en magisch was K'dragen je lach in m'n hart lik e talisman K'zien e manisch man dat in de maat nie danst S'nachts de slaap nie vat en overdag niet ontwaken kan Dat In de spegel ze vader zag Mo noois mi met hem praten mag Vandaar dank naar adem hap lik of da vandaag m'n allerlaatsten was De wiend plukt e bloem dat aan de bij ontsnapt Lies Jo- Onze intenties hangen ingekaderd boven bed in mozaïek met meer spiegels dan je zou verwachten in het huis van iemand die geen vaste vorm wil aannemen Hi Def- Net als het maanlicht werp ik licht in het duister Gefluister in de nacht, het zijn de bomen, luister Met hun wortels diep in de grond gekluisterd Hun bladeren zijn de aderen waardoor wij ademen En toch blijft de wereld vervuild en huilt ze De mens is als een kanker, verankerd Een prachtige planeet blijft geruïneerd achter Het is achterlijk, dat wij zijn de verstandigen Want we zijn meer dier dan alle anderen Homo Sapien en toch blijven we aapmens Of moet ik zeggen mensaap ik ben recht voor de raap Kijk me aan en zeg dat ik fout ben Beloof me dat alles zal beteren als ik oud ben Global Warming zorgt ervoor dat ik koud heb Ironie? Doe anders nog meer Amazone woud weg Lies Jo- Onder invloed van temperatuur en druk vraag ik me af hoe dicht onze deeltjes op elkaar zitten wat onze aggregatietoestand is Infinite Joy- Tijdreizende krijtschrijver M'n natte dwijl zeil heisen Bijl slijpen bijna kapseizend Bekijk de cijfers k'verwijt m'n eigen Vergif consumeren beest dak beter weten Vanut me zetel de verdeling stimuleren K'maken excuses om mezelven te vergeven Zwevend in de regen ken gin recht van preken K'wiln de noordzee in twee kun delen Vojen e parel ut e schélp te geven K'vergeten van de wereld te verbeteren Omda'k tevele proberen Vo m'n ego ze verlangens te realiseren Uit me fouten kuk leren Toch lopek vele keren tegen dezelfde steen Kerkezel, je kutter op bouwen en schilderen Toe dat de herfstkleuren van de bomen schilferen Volgende lente kun de velden were verwilderen Nu kraken de rimpels dan afteln na de winter Lies Jo- Vloeibaar passen we in kannen en kruiken maar gas kruipt waar het gaan kan dus groeit er eelt onder mijn nagels door ter controle aan de knoppen van het vuur te draaien

Ken gin beroep typische rapper e vule nietsnut Profiteur of sukkelaar Bipolaire schyzofreen met de moodswings da Chris Van Den Durpel had K'zien je zo geren lachen Attie plat was zoek van de wereld stappen Je kreeg e vlam ijen anden en eddem in zwarte sneeuw veranderd Liefde got van mage no darme wanneer dajet zeur voelt ije keelgat Misverstanden creëren een afstand daje niemi meet met e meetlat Woorden breken gin botten mo k'voeln wel m'n erte dat in twee krakt Me generatie swiped mensen lik ofdaj kanalen ip je tv zapt We kun nimi kiezen omdat misschien beter bie den deen was En neem je der gin deel an zieje mor e bitn vreemd man Oedet opervlakkig anders is't beter daje alleen maft We leven in e tiedperk wo da passie nie langer brand dan e theelamp En niemand ziet ze zelven nog geren tis spirituele leegstand Vreugde klapt er mee van omdatten elke nuchtn ze geest leeg paft Wakker gemakt deur koed zweet of omdak voeln dame been slapt En ak willen bleten of vloeken omdak der nie tegenkan Orek me pa nog aatn zeggen je zie sterker aje meelacht Je moe vechten voe jezelven Want oe stevig groeit e boom in een omgeving zoender weerstand? Je zie sterker aje meelacht Je moe houden vaje zelven en die lach dat is je veerkracht K'herkenn men eigen in de rivier lik Siddhartha de veerman Duukt derin lik Michael dat een oog in elk idee stak All i ever wanted was all of her heart Misschien liggenk dorom wakker toe loat in de nacht En orek de gedachte da m'n oasem nie smakt We kieken deur spegels heel m'n universum kleurt er zwart van Liever lopek verdwaald deur't licht dat ije lach brand Lang willen'k nie leven dus me pensioen da beland in den asbak Artiest op vier linker poten k'maken vaje trommelvlies me canvas Ze lieten em aal lienks liggen want tis een erte da nie in één hand past K'genieten nimi vant strange omdat elk kasteel toch mor in't zand zakt Kenn mensen die peizen dak m'n eigen e verlichte guru voelen K'zien idder e kiend in vees te grote versleten oede schoenen Da soms goe bedoeld en soms vruchten plukt van vervloekte groend Want ank moen eerlijk zien happek liever gin lucht mir ime loengn Gelik, k'weten dan de meeste mensen meestal goe bedoelen Mo me doenkere wolken volgen me heel de wereld roend Aje gin vrede viend in jezelven, zie je overal dezeste stroent Perceptie concentreerd em ipt slichtste in de mens Want die slichten zie je zelf De wereld is e reflectie van oe daje gie em kent Daarom is de wienter koed en wanneer ziewe nie op zoek Nor e goed boek of e zachten hand da warm voelt Je kut de tied nie resetten t'leven is zand in e zakdoek K'zien licht ontvlambaar lik d'inkt ime dagboek Je kutter Grenfell mee platbranden Me flow is Apollo ze zaklamp En e dag zoender gras dat is e dag voe de vulbak K'proberen men ersens te leren van spontaan te lachen Bie't zeer dak voelen achter elke stap dank pakken Want kom ziek van de wederkerende gedachte Da stemmetje dame moed afzwakt wanneer datn zegt De dagen duren vees te lange K'wiln nimi leven want kvoeln me lik e geest gevangen in e gebroken lamp Mor ik zien nie me gedachtegang Ik zien de waarnemer En die gedachten veranderen pas in ego Ank ze laat spreken op e manier dak der mezelf mee identificeren Mo kunt ook nie geweune negeren K'zoent moen e plaats geven mo dokteurs kun't nog gin naam geven Atter e god was zoenk achter slaap smeken De meeste dagen haat'k et leven daarom daze zegn vezekest dak te haatvol spreken En nochtans k'weten beter want alles daj geeft is wederkerende kracht ant genereren Mo beter weten is nog een ende weg van beter doen En wuk is beter alles dak weten is e leugen, ogen toe We pendelen over de weg met de kleppen van e peerd Me raps zien nie prettig, idder vettig lik e zweer Tku soms deugd doen van em ut te duwen, je gal te spugen Mo nu is alles anders we ku nie terug no vroeger We moe leven met gewicht van uze woorden Want ze worden daden awe ze met intenties en utgesproken En al klienkek soms bitter ank spitten liefst vanal willen'k Ook mo geweun kunnen e lach op je mule toveren Of trachten je verdriet met iprechte liefde te troosten

Infinite Joy- Je kud allene mor an gisteren peizen in het nu en aje droomt van e toekomst ist dit moment daje dervoorn gebrukt t'heden faciliteert wa dawe verbeelden we kun up uze weg af en toe etwa vaste nemen en dervoorn kiezen om et mee te dragen mo soms ist beter van sommige zaken los te laten je kut der assan ip terugblikken mo je ku nie op de wiezer gon zitten in de hoop dattie em nie verder verplatst de tied is e cirkel je krieg nog e kans tis geweun belangriek dajem nie verwacht want ajem stot op te wachten goj mischien nie zien wa datr je nu lopt toe te lachen d'enigste constante is dat alles constant veranderd dus accepteerd wa datter komt en gotter not beste vaje kunnen positief mee om ken ook a tevele me kop laten angen m'n in e slot laten vangen Mo tis belangriek vo de twist ije plot t'omarmen Gie kiest nie de situaties daje in terecht komt mo je kiest de reactie daje derip los loat dus lottet los voorn dattet j'n opslokt lottet los voorn daj stikt in da wat daje opkropt beslist voe met de dag te lachen vanaf daje opstot en lot de dag weer achter wanneer daje noje bed got wuk blufter over aje jezelven losmakt van alles van je lichaam en gedachten, van je bezit en je verlangens just nog de essentie en das gie, onaantastbaar lik et verloop van de tied Samoerai- der komt e dag dat olles dudelijk te vatten is mor upt moment daj leeft, kuj juste leven en snap je nix tis mor in retrospect dan puzzelstikken topevollen bewust beseffen we mor e klein deeltje van de grote rol dam en… e rolmodel voer ol de andere ontdekkingsreizigers die klimmen, ol zit je vaker klem dan verwacht.. bluven geloven in je ware stem en de gedachte daj de redens achter zaken loater kent we leevn in het nu, mor angn veel te vele vast in et verleden en proberen de toekomst vaste te pakkn mor en zest us vluchtig heden nie volledig in de hand dus lat et los… je goa nix winnen met olles ut te plannen lat je voaren up de stroming van de tijd tis nie omdaj jezelvn et gegeven daj beloning der voe kriegt fuck verwachtingen, lat olles up je komn en lat je voeren up de stroming van onwetendheid en duistere contouren we moe wieder nie peizn… we voeln et antwoord met jewelste resoneren ow us weer loatn verleiden deur begeerte… jen eerste gevoel, is meestol raak dus je ku verder redeneren mo je rede is te vaag voer in de fienste lagen vant bestoan te penetreren liefde is de brandstof dat olles doe bewegen tis de zwoarste kracht daw en, t’trekt an, stoot of en briengt us tope in een ongeloofelijk kosmish complot

ken em were gevoen mo jis dezesten nie mi wien is vreugde kherkenn ier die kerel nie mi jedem neregeleid bie zaken dak zelve nie wil kwiln e nacht vast slapen mo kriegen de wereld nie stil de mensen zien dom en kzien ook zelve nie slim want ze liegen ize smoel en vreugde trapt derin dus ne geloofd in leugens toe datn der vast in zit gie eje keuzes gemakt nu wens je dat anders is spiet komt assan te late, vraget ame vader vraget an de tranen datie toen ed gelaten ip d'n enigsten avond dak em oois droenke zagen vraget an deen da joen troost ip je doenkere dagen ke gin tied voe spiet, allene nog tied voe mien en da klienkt egoistisch, lik ofdak gin egoist ku zien? wen em aal in us, de duvel dat ije licht krupt flusterd ijen oren toet daje zelfbeeld instuukt en ist licht uut ton ligget ijen eigen anden om je levensvlam zo fel meugelijk te doen branden lot de dagelijkse sleur je passies nie verkrampen giet liever e bitn zelf liefde ijen olie lampe oedet warme iedereen wil geren eki kun lachen de beste wapens tegen dictators zien grappen kbeginn popovic ze theoriën beter te snappen tis pas awet zeste doel en dat de wereld veranderd mo we wiln andere diengen gie en ik dus bluvek riemn toe dat schip vriest in de dieperik me flow is auto immuun wie ken je gie da zieker spit en aje goeie weed ed willek geren weten wien da je dealer is kun nie wachten ip de dag dat e duusje legal is shout out nor iedereen da wit dat vo de people is kzien tom riddle kgeven vame ziel an iedere beat e stik in't process sterfter e neppe repper omdajen ego de pries ier is sagitarius da noois echt mikt dorom datr gineen ame precisie tipt kdoent upt gevoel met e visie die nie idyllisch is lezet in spiegelschrift tis god ze pen die in elke lyric zit ken met me stembanden een atoom gesplitst kmaken iedereen wakker dat ant dromen is zelst doorn roosje dat in eur coma ligt tis nie romantisch, idder e klets in't gezicht wukke radio speelter vandage nog een ernstig gedicht is geld je geloof broer we steken die kerk in de fik tzal wel zien dat dezesten nie is we moen groeien en tis in de vuulste groend dat de schoonste bloemn bloein smiet die stroent der mo bie der go bloed vloeien langst de straten en van de daken k'animeren vier paarden en tien plagen toe daze palestina were vriemaken tzeste voe tibet, kwensen warmte nor de mens die wienig ed ip schaal ziewe geweun e groot miere nest dat an e sneltempo zorgt dat elk soort dier utsterft behalve tkooikieken dat uz eiers legt en die koeie met e machine an eur tet antibiotica en hormonen oedn je zwien goed gezoend en spekkevet dooie beesten tis voe den echte lekkerbek fuck die hypocriete dichter dat ier erwtefret

Infinite Joy- t'leven word duurder langst alle kanten Wil je bliede zien nimt ton e lening bie de banken Op de lange termien oed et je tegen lik'n anker Eje zelfbeeld da ku beter e bitje slanker Dus volgt et advies van a die advertenties die zegn oe dajet bestn jezelf ziet Je zoe geren sparen dromend van die dure wagen in de realiteit kuje amper j'n huur betalen k'zie de telivisie uze cultuur bepalen En oe dat de morele woarden vaje dochters doet dalen under enigste zorg is vo kiekciefers t'alen t'ganse leven draait om zaken je moe je nevest voe schamen Zolang ofdaj mo centen ku maken tis lik da geld alles rechtvaardigd Iedereen wil in vrede leven dus vragen'k waarom zient nog assan wapens Dan't grootste deel van wetenschap en d'economie opmaken Siebrand- oe komt da? bezie et contact van contrast de dialectiek daddet omvat me materie ande grondslag we vroegn oes af watdat de lont zat ha t'is proletariaat tegen profitariaat alleen vode foto word de synthese nog gemaakt variaties? zienk deze dagen niemeer gestandaardiseerd als e marinade zit'd ideologie om oes heen de hegemonie is compleet mar niemand gadr tegen in wan we wetent wok niemeer we leven bovn onze stand tot stilstand gehoudn van bovenhand en wudder geloven want vroeger kwamt dr wa van andere plann wordn niemeer utgevoerd de groei wilma nie stoppn, wok d'uitbuiting gerak nime hjil uitgevoerd ten koste van, ma de rekening oudn kost teveel ipn stervende planeet wordn topjobs verdeeld Infinite Joy- Investeerd liever in culteur zaken dan veurwapens belgie 1 van die o zo schone landen da zuur asemt in de nek van't midden oosten wat daje zaait moeje oogsten lik de haat in de winter z'n tuun de politiek speel vuul niemand kuust et uut diep gedrongen stank met wortels in de bank oe wilje voorutgang bezorgen in e tank postkoets van terreur en angst beest raakt de planeet verlamd Oender de damp van alles wat dat de man verbrand lik ofdat nie anders kan kiek naar de voorutgang vade wetenschap Jacques Fresco ad e beter plan Al in de joaren zeventig mo we negeren et Sodom en Gomorra ja we keren terug de Geschiedenis draait lik e lus omdat de mens noois aze naaste peisd neen ne kenn gin greintje dankbaarheid Voor alles datn va moeder aarde krijgt Tovenoare-

kzien die stereotypische wereldverbeteraar da nie genoeg doet en vees te vele praat kvoele me nog altend hypocriet ak preken ime muziek Wie zienkik vo t'oordelen? allesinds nie beter of gie. tis gin geheim da daden zwaarder wegen of woorden Dorom voelt me strofe dikwijls overbodig mo der is e boodschap da vraag vo door me te stromen soms enk te snel gesproken en vergittek de drie poorten soms ook bewust gekozen om nie ip't ogere pad te lopen soms allene zelf belang in't oge soms peizek dak mezelven en verloren en willek geweun de wereld wegsmoren schoonheid ed nog noois e vaste vorm genomen tzit em in de lelijke dieng of idder in't contrast dawe der van kriegen in't bluven geven van liefde ookal ziender zieder die jen erte bedriegen twas e moment van vergeven en in mezelven verdiepen want ak peizde an toen deenk mezelven verdrienken kwilde lucht happen of terug zappen om da gedrag te kunn snappen ma da ga nie dus lattet lattet zien lattet los de mens is e machine kapt nog e bos iedereen destructief we maken us zelven kapot heel de wereld verrot ofdat nu komt deur e complot of geweun hebzucht dat ut d'n and lopt we draaien aal mee oe komet anders dat systeem nie vastlopt kgeven gin reet om j'n afkomst of oe daje uut de kast komt je zied e mens ejen art klopt gebrukt je verstand ton we zien miniscuul lik plankton primitief lik brandstof met us ogen toe in't midden van e zandstorm en de gazette publiceerd wa datter ut ze gat komt fabrieken automatiseren toe datter niemand an de band stot mo wien vervangter et brood dat die job op de plank brocht en wiene kreegter les over den indier dat in ieper vo je land vocht oevele weten w'echt over de kleres ip die paspop kzien ook e deel vant probleem omdatter jaren vlees ip me bord is gepasseert omdak zovele lange douches neem en geimporteerde groensels ime soepe steek netflix zitn te checken in plekke van dank me boek utlees op me gsm bezig atter e docu speelt m'n hersens wekelijks betrappen van damn gie peisd bevooroordeeld racistische, sexist ja ik zien ook azo gekweekt toch aze me vragen van wo dank kom zeggenk ze kzien e kiend van de zon planeet aarde ergens in't melkwegstelsel je zoet die plekke wel moen kennen ip me hoede voer alle mensen let goed op wa daze doen of zeggen en ga nie af op under uterlijke kenmerken Moeder zei men assan denkt verder we leven in e wereld wo daze met zovele under zelve nie mi respecteren en deur dadde met geslacht, accent of pigmentering te associeren word er verward met de deze die wel under omgeving willn verbeteren je'd zukke schoon ogen gekregen worom ziewe ton aal blinde beestn Volwassen worden is besefn dat leven gin sprooksje is ken te winnig liefde gezaaid dorom datr zovele verdriet imen oogst zit Toch willek elke kanse vo te lachen pakken lik ofd at e troost is de naam is vreugde dus zie je die smile ip me bakkes toet de dag dank mafn ime doodskist

Infinite Joy- Kzien nog ma wakker en tis were van dadde kun mor an 1 twa mi peizen teme zwaar te pakken kzien verslaafd mezelf al jaren niemi de baas Kzoen moen schrieven of tapen mo t'graakt aal nie gedoan K'komn weken nie ut me kot K'heten je welkom ime grot Woa dat de tied stille stoat tis zo simpel moat K'loggen in tis zorgen uit twi kis klikn do komt de buit Me brein binnen lik cocaine tis die belonings dopamine voe niet te doen tis voe niet ier e goed gevoel Jaren later enket ame ziel gevoeld Zand an zee me dromen kwietgespoeld K'zien ier o zo druk bezig me niets te doen kom nie op me deure kloppen Tis online ma dat ed gin pauze knoppen En moestek et kunn zoenk nie willen stoppen Kwiln de best'n zien kwiln die ladder toppen Kwiln die pixels dame gedachten foppen Kwiln enfeite niets en kwiln voe dadde alles opoffern Elisa- K'geraken me ziel kwiet in e pixel paradies k'slieten ier uren en ken vo niemand gin tied K'geraken me ziel kwiet in e pixel paradies kzien ier vanalles mor ik berieken ier niets Samoerai- Kzien juste wakker gewordn met e melding van men Instagram e like derbie, tis ol de hype vorbie, mo toch, ik zien de man up sites van mie… sociale media professional mor in et echte leven ziek ik eigelijk e dikke lul kmaakn gin tied voe me moatn, ken doodles ingevuld da wel ja, mo butn da is internet mo giftig spul tis zo verslavend lik e dosis heroïne en ze weetnt, mo toe nog… promoten ze’t bie tieners dus sinds me joenge joarn zat ek met e doppelganger e virtuele facoade… een blanke rotterdammer e dubbel profiel, men alias in chatgesprekken ik proberen via chats e meisje up et web te stekken sociaal gehandicapt omdak ik, niemi buten goan ik en mezelvn dus gepromoveerd toet blinde kluzenoar kunnen niemi were no vroeger, ik zittn ier upt net gelik e spinne die olene mo bluft zittn in ze web Elisa- K'geraken me ziel kwiet in e pixel paradies k'slieten ier uren en ken vo niemand gin tied K'geraken me ziel kwiet in e pixel paradies kzien ier vanalles mor ik berieken ier niets Infinite Joy- Tis begin escaleren roend me dertien Nintendo veteraan die van de wereld wegliep Twas nimi recreatief diagnose aandacht deficiëntie Kwaren verslaafd minderjarige junkie De dokteurs gaven piln ma da was d'ergste drugs nie Nu voeldek me te leeg vo te leven Te leeg voer e fuck te geven Just nie leeg genoeg vo toet e gat in de nacht m'n aandacht ime pc te steken Tegenwoordig beginnek me vees te zere te vervelen Nietn valt te vergelieken van bezigheden omdaze niet da gevoel van voldoening geven Me lichaam voor e scherm me gedachten ergens ant zweven Tis een andere wereld vees te captiverend Tzuigt m'n ambities lege t'maakt me zo lui dak nie wiln bewegen Me ma zie m'n amper nog beneden zest e bad pakn is tevele Der stot ier al twee weken e bord van eergisteren t'eten ken gin tijdsbesef gin toeweiding voe m'n eigen werk Kpeizen allene nog an winnen, winnen, winnen dus blijvek stressed Elisa- K'geraken me ziel kwiet in e pixel paradies k'slieten ier uren en ken vo niemand gin tied K'geraken me ziel kwiet in e pixel paradies kzien ier vanalles mor ik berieken ier niets T-Loc-

Rioolprofeet, gin orgel in de goot straatlantaarn regenboog in plekke van te verven ip de muur zienk e facebookfilosoof want ip'd stroat oek ist te koed en eerlijk wiene kiekter nog roend in't licht gezogen, tussen leds verzopen lichtgelovig, je kids en't wit gesnoven lege bottels, ze gon nog wind verkopen fakkeltocht, de nacht dawe't bewind beroven Oede ziel mo nog noois t'kind verloren IQ nie relevant, volgens mien iedereen slim geboren oe goed kuje twuk vanbuten leren, kzoen liever mezelven binnenste buten keren noois rakt de lelijkhied volledig verdreven - dus liefst zoek em wiln observeren vo me schaduwzijde te kunnen bekeren t'universum is gie, dus wieder zien heer en meester of meesteres mo we creeëren e hel ier fret die piln tegen de stress en nog drie andere tegen't neven effect beter beheers je jezelf Emotie ed gin plek in e wereld van geld Tranen en bloemen dat is voe zieder die under erte nie mi voelen We zien benauwd voer e bitje liefde te delen met uze mede mens want voorn dawet weten zien ze were weg Soms zieje me lippen bewegen mo voelek in me keel gin stem Kzien zo vol van mezelven omdank de leegte ken Voorut an't staren heel me wereld is e zwart gat geld makt nie gelukkig want een echte schat lacht Dus gonk van rijk nor arm makek ton mezelve were warm bereikek echte welvaart nie te berekenen op je telraam e mens met principes tegenwoordig zie we zeldzaam iedereen wilt in de meute passen met de rest van de klasse leutig lachen ik zoe liever zelf de teugels pakken en nu is me keuze anders mo misschien wordtie morgen de norm dus bluvenk ondergronds bewegen lik e regenworm Aal de stront verwerken dank tegenkom tot e goeie voedingsbodem mo k'zie nie vroeg genoeg geboren voer e stik groend te kopen dus lopek verloren en orek d'echo's van woorden dan deur m'n oofd spoken Bewust tegendraads mo we zie nie assan klaar voe de bolle da were kaatst tis e feit, spiet komt assan te laat soms voelek m'n e zeveraar die tevele praat andere dagen zienk een eenzaat die in de leegte staart an't reflecteren op't leven dank en meegemaakt en al de dingen danke met me meedraag de vraag an't stellen woa dank heen ga K'bewegen traag want ken geen haast en ton orek me stem die tegen ze zelven zegt zie content met moment en peis nie daje de wereld kent der zien nog zovele mysteries van't leven t'ontleden en kwetent soms zoeme't wiln opgeven voelt us erte koed lik e wienter zoender donsdeken mor ank zoen meugen 1 twad in je kop steken ton ist dawe allemalle dezelste zon delen Dus maak je gin zorgen om wa datter zoe kunn ontbreken we zien aal één met geheel daje nie kud opdelen dus in principe ziewe liefde en kunn we nie completer

Sam zegt daje op moe passen voe vlotte klappers met e rotkarakter mo k'kun ame zelve nie ontsnappen kwiln zelf bedrog ontkrachten want kworden oncomfortabel van me donkerste gedachtes Der leeft e monster ime zwaktes, et gedrocht van aal men angsten koffer vol met barsten verdwaald en op wankel, k'preken e boodschap dame hand nie na handelt Kbetrappen mezelven vaker mo kzien nog assan nie veranderd Dezelfste dikke lul die een ander mikt op nul Oentevreden over oe datten z'n eigen leven ed ingevuld K'verwijten de ganse wereld voe me falen alsof danke zelve nie bepalen over wat dak doen en laten Mo ken teveel misdaan voe't nog goed te praten Tis lik ofdak overal soep van maken zoender smake der lig tevele zoet op tafel voe te kaarten k'morsen her en der onkruid da rondsluipt Tis soms beter dak me mond sluit want veel te vaak is't e strontluik dat de drie poorten ontduikt Is alles waar wat dank zeggen? Meestal wel in mien versie van perceptie Mor ik spreken ook in leugens soms onbewust soms immorele keuzes soms latek de noodzakelijkheid achterwege en kies ek voer e nodeloze boodschap te delen Misschien om mezelven te valideren misschien om de mensen te sneren een dieng wetek zeker en das dak al te vaak d'aardighied zien vergeten Tis de belangrijksten en toch ontzie'k em et meeste kvoeln me ziek tot diep in me geeste Omdank mezelven op zovele venijn betrappen tot op't punt dak vien dak et nie verdien vo te lachen zoen wiln me gedachtegang me brune zeep kun wassen Mor e slechte gewente is nie rappe platgestreken ver elke dag in padmasana ant mediteren mo gineen mantra oed me gedachtentrein tegen en voorn dak et weten ziek weer in maya ant zweven tis ik die mezelven saboteren van met twi voeten ip de groend te treden Tis soms verslavend voe je slicht ije vel te voelen Kzien te haatdragend want kvien mezelf nie goed arrogante zak zoender zelfvertrouwen die alles kapot makt ookal was d'intentie vo t'elpen bouwen fuck je beeld van d'ideale man ik bleten zo goed als iederen dag omdank me dervan bewust zien dank corrupt zien terugkieken op e leven vol fouten danke mezelve berouwen Kzoen moen van alles da leeft kun houden tis 1 geheel dank nog teveel opdelen in ik en gie oftewel kuj god in alles vien oftewel kuje ze liefde nie zien Dus te vaak starek me blind e dwaas die em gedraagt lik e kind en peist dattiet centrum van't universum is T'materiele leven is nie belangerijk dus doetter etwa schoons mee t'enigste da telt is daje vele vreugde doorgeeft woorden woabie dak de spiet nie ut m'n oog kreeg ank ze oorde want ik zien zo ver van me doel verloren gelopen ik zoe gern wiln zo vrolijk zien dajet vamen overkriegt Mo k'zient type niemi die met bergen liefde smiet ook al dachtek lange dank dat in m'n aden de tied eddet doen vervagen nu leefter allene nog e bittere schaduw An de groend genageld oender't'gewicht van me schaamte omdak me tevele op impuls gedragen kvoeln me naakt gelik e geraamte die de warmte kwiet is E neanderthaler die alle porcelein ip ze pad vernietigd

Sadhguru- you should not love anything the important thing is you're just loving if you are right now loving, you will see the flower, you will handle it lovingly if you see a man, woman or a child, you will behave lovingly if you see a dog or a cat, or even insect, you will behave lovingly or if nobody is here, you will just look at everything lovingly this is what is important for a human being "I love something" is a vested interested in the world they have caused immense damage in so many different ways.. Infinite Joy- je zie zukke schone mens mor ik zien da lik nie mi de wereld zoe moen weten datter zovele liefden ije zit ze zeggen tan liefde makt blind, neen liefde is't licht e medicijn zonder prijs dat aal uze wondes weer dicht mo licht is warmte en tevele ku branden tis t'excuus at us geduld opgaat in vlammen tis de reden dawe mekaar ze lach afpakken je zoet kunnen met liefde verwarren mor in de realiteit ist us egoistisch verlangen liefde is nie je ziet een ander geren liefde is je zie ten dienste van de wereld ze verstrooien us met breedbeeld romantiek de perfecte partner gowe noois kun vien houden van is e werkwoord dajen ert utwriengt tis een omhelsing dat de kalmte thusbriengt tis e begripvol oor aje der je gal kir ut smiet tis et ervaren van e mens under grotste fouten en toch nog geloven tis mogelijk en nodig vo van ze te houden x zieme verliefd ton viend je de liefde ver ziewe verliefdied kwiet ton kuwe pas liefde ken x Samoerai- Wuk is liefde ? tgoh moeilijk te zeggen et zwoartepunt bluft em ossan verleggen liefde groeit, en verandert deur de joaren nimt vele vorm an, liefde ku stormrammn en brandn toet daj ip bloaren zit de omvang van het constante gemis daj bezit bie e begroafenis mor ook de vlam in d'eerste ogen van jen eerste vlam de flikkering en de herinnering gift us et meest verlangn nor e her-innering, e drang, nor een oentwikkeling e hang, no rillingn en trilling, no woare prikkeling liefde? … is niet van ol die zaakn want tmoment dajt in e woord vat, verlies je ook je raakvlak schaakmat lik dan de oude meesters zeggen game over, lik de joenge garde, tbluft em verleggen tis liefde, voer iedereen, nie te beschrieven tis liefde, e werkwoord, etwa daj moe bedrieven Infinite Joy- x zieme verliefd ton viend je de liefde ver ziewe verliefdied kwiet ton kuwe pas liefde ken x je zie zukke schone mens mor ik zien't nie assan in awe verliefd zien ziewe geliefden in een ander licht e gevoel dat alles riemt we zien de woorden in e gedicht elk moment perfect lik ofdat e geschenk van goden is en der komt e dag dat de verliefdied over is mo liefde kent gin voorwaarden dus echt liefde overwint Liefde ziet dat leven ip ze lelijkst nog schoon is verliefdied verlaat ze waarden addet erte gebroken is we doen mekander zovele zeer, omdawe willen en we willen en we willen alsan meer, liefde wil just ma geven t'wilt der nietn nie voe weer kzoen willen lijk liefde zien mo kzien nog lange nie gereed gevangen deur de begeerte die me gedrag beheerst zovele woede geschreven zo winnig wijsheid geëerd zovele fouten gemaakt zovele geliefden bezeerd zovele egoisme dat ip me schouders weegt x zieme verliefd ton viend je de liefde ver ziewe verliefdied kwiet ton kuwe pas liefde ken x Koendalini- inlakesh, ik zie mezelf in iedereen dus, twas nie zo moeilijk om verliefd te worden tot dak mezelf herkende in jou dan begon ik plots weg te lopen en k'was nie te stoppen t'was comfortabel in die bubbel ma tis dubbel dus gelukkig kwam de waarheid met een liefdevolle uppercut d'initiatie is; lik daje in e droom zit waarda alles schoon is en pa -op zen- troon zit k'weet daj alleen schone woordjes en troost wil ma liefde is de naald die da waanbeeld doorprikt z'ad nood aan een idool omdaze ook op de dool was ik de makkelijke prooi omdak zelf in een kooi zat heel da concept van te jagen op elkaar is op zich al om miserie vragen k'probeer me beter voor te doen in heel die maskerade moa tga toch om de schaduwkant van een ander ook gewoon te kunnen aanvaarden? ist een ont-moeting of in ont-kenning? de kniptang of de ketting? ist een kwelling of ist toch e blessing? doe gewoon nie alsof en stel je kwetsbaar op want't voordeel van liefde is, da raakt nooit op nog e beetje doorbijten en dan klaart de mist op en ist mentaal ije kop ook wa minder messed up dan is't nie meer zo'n extreem emotionele trip geluk komt voort uit rust en uit evenwicht, en dan kijk je met een nieuwe blik na de wereld verwachting is complex ma liefde, da's eenvoud de pijn daje ervaart is de liefde daje weerhoudt.. dus ak terug durvn delen kommet weer, maar in meervoud..

w'ang'n allemalle vast an de zwoartekracht x4 de tied vliegt, ik wiln zweven los van alles in't moment leven beseffen dame't licht van e ster eten worom vruchten via dierenleed consumeren k'proberen me dichter bie de bron te begeven alles is 1 en 1 bluf vibreren me frequentie lot je kop op en nere bewegen zieme raps vergezocht of junder kortzichtig we ku de melkweg nimi zien omdawe us laten oplichten ik check'n't verkeer schapen volgen stoplichten regenbuien ontsnap je nie dorom dank op me wolk zitn k'maken va podiums zeepdozen een echte volksdichter Rioolprofeet kgon in je schaduw de zon vien Eeuwig jong omdank van de bron drienk Of me ziel toch, snapt dat de tied lik e wiel lopt Gin begin gin ende, e doorlopend moment vo te verkenn Jezelven te schepn, gie ziet de schepping en de schepper Gie ziet alfabet de klank van elke letter Gie ziet schaap, de weide en ook de herder En zieje gie jezelven ton kom je sowieso verder w'ang'n allemalle vast an de zwoartekracht x8 Eje noois da gevoel van met de trein te reizen Dat de grootste dingen mor o zo klein mi lijken Bomen da boven huizen uitkomen dak achter me duim wegtover e kiend in god ze tuin lot me wegdromen De wereld is e gedicht, En de mens is.. Vergeten oe datn de tale moe lezen waarin dat is geschreven K'evalueren de traditie's dank erven Schrieven de toekomst in grafiti me rafiki ze verve breken de spiegel van erised in negentig scherven Tis nie zwart wit mo leven is sterven En sterven is werekeren tot et geheel da voer assan verderleeft Je huid is slechts e brug je zietter assan al e deel van geweest Je nereleggen in plekke van te vechten is meewerken an alles dat de mens onteerd Mo je kuje verzetn zoender geweld tis een oorlog gank dat in de hersens heerst Me toeng is zo scherp dat'n e diamant in achteveertig stikken deelt Lik de koh i noor e gestolen kroonjuweel ze dachten tis beter geslepen Mo zen der de weerde van weggesmeten, ik spugen op de koloniseerders God is me enige meester, kgon voe gin kerk ip me knieën E tempel van vrede da moeje in jezelven kun vienden w'ang'n allemalle vast an de zwoartekracht x8 eten, lezen, mediteren mens wezen, in't moment leven t'besten vajezelf geven denken, spreken, zwijgen, leren fouten maken en ervaring opsteken tevele peizen en je kop breken tegenslag, tegen god spreken schepen die op e rots breken drenkeling, ort de stem dat in de verte zingt ort de hoop daje verder bringt vlinderslag lik ofdatter gin bestemming is e zwemmende rups die van de tied vlucht olles is één oois keren we terug elk lichaam is deel van de zee en de lucht verdeeld tussen grenzen overal dank kom zienkik allene mo mensen elk ze mening toch ed iedereen ook goed izzen erte we moen voorut dus ploeterek verder Klim na de zun lik't groen ime serre De revolutie begint in tuin en keuken dus doenkik me besten w'ang'n allemalle vast an de zwoartekracht x8